Подписка

 

ПОДПИСКА-2023

ХIурматиял районцоял!

БачIунеб 2023 абилеб соналда 100 сон тIубалеб буго Гъуниб районалъул газеталъул тIоцебесеб номер къватIибе бачIаралдаса. Гьелда бан хIисабалде росун руго батIи-батIиял тадбирал районалда гIуцIизе.

ГьабсагIаталда унеб буго газеталъе подписка гьабиялъул кампания. Газеталъул юблеялъулаб сон букIинги хIисабалде босун, редакциялъ хIалбихьизе буго лъагIалие подписка гьабуразда гьоркьоб можоро бахъизе. Бергьаразе щвезе руго батIи-батIиял сайгъатал.  ЛъагIалие «Гъуниб» газеталъе подписка гьабуразухъе щвезе буго юбилеялъулаб «Гъуниб» журналги.

Гьединго редакциялъ юбилеялъулаб дандеруссиналда кIодо гьаризе руго жидеца бакIазда подписка гьабиялъул хIалтIи лъикI гIуцIарал росабазул нухмалъулел ва почтальонал. Масала, кин? Росулъ бугеб цIаракиялъул къадаралдаса 25 проценталъгIаги гьабизе кколеб буго районалъул газеталъе подписка. Масала, босилин Хьиндахъ. Гьениб буго 360 цIараки. Гьелъул 25 процент бахъараб мехалъ кколеб буго 90. Гьеле гьедин хIисаб гьабун бихьизабулеб буго гьаниб щибаб росулъе бачIине кколеб «Гъуниб» газеталъул къадарги.

Росу                   цIараки              подписка

Гъуниб                 777                       194

БацIада                292                          73

Гьонода                329                         82

 Къорода                 272                       68

Къ. КьотIа             112                       28

Кудалиб                  365                     91

СилтIа                     92                       23

МохIоб                    220                    55

Ругъжаб                   628                   157

Сугъралъ                 792                    198

Кьогъоб                     69                      17

Хьиндахъ                 360                      90

ХIотIочIиб                388                     97

ЧIохъ                        639                    159

Шангъода                146                     36

ГIунтIиб                   115                    28

Шуланиб                  250                    62

Бухтиб                     248                    62

Коммуна                  205                   51

Агъада                       21                    5

КIогьориб                  239                59

СалтIа                        251                62

ГIурала                      98                 24

ХIутниб                    87                  21

Гъ. КIогьориб           68                 17

ГIобох                       102               25

ХIурматиял  росабазул нухмалъулел, почалъул хIалтIухъаби, школазул учительзаби, тохтурзаби, хасго депутаталгун жамгIиял хIаракатчагIи, тIолалго районцоял!

Нилъер буго Дагъистаналдаго районазда гьоркьоб бищун цебе къватIибе биччазе байбихьараб газета.  Данде щолеб буго нусго сон. Нилъеца гьеб кIодо гьабизеги ккола республикаялъул даражаялда. Газеталъул тарих, гьеб ккола районалъул тIолабго халкъалъул тарихги. Гьединлъидал рачIа гьеб юбилеялде рачIунаго подпискаялъул компаниялдаги щивас жигараб гIахьалъи гьабизе. Гьеб хIужаялъги кумек гьабизе буго нилъ дагьалги цолъизе, гъункизе!

Подписка гьабизе бегьула почалдасаги редакциялдасаги. Гьеб гьабулеб, гьабизе бегьулеб къагIидаги, багьа-къадарги лъала газеталдехун бухьен бугев щинав чиясда,  щибаб росдал бетIерасда, школазул ва цогидал учреждениябазул нухмалъулезда.

РачIа почалде, рачIа редакциялде!

Нижехъе редакциялде почалдасаги росабазул нухмалъулездасаги подпискаялъул ккараб хIасилалъул баян щвезе ккола бищун кватIун 2023 соналъул  10 абилеб январалде. Баяназда цадахъ рукIине ккола щибаб росулъа тIубараб лъагIалиего «Гъуниб» газеталъе подписка гьабурал гIадамазул цIаразул сияхI. Редакциялъ гьезухъе, ай 2023 соналъего подписка гьабурал гIадамазул цIаралда ритIизе, ялъуни гьединазухъе кодоре кьезе  руго районалъул газеталъул 100 сон тIубаялъул хIурматалда    къватIибе биччараб  хасаб лоторея.

НУЖЕДЕ КIУДИЯБ ХЬУЛГУН ВА БОЖИЛЪИГУН «ГЪУНИБ» ГАЗЕТАЛЪУЛ РЕДАКЦИЯЛЪУЛ КОЛЛЕКТИВ, ГАЗЕТАЛЪУЛ АКТИВ,  ВЕТЕРАНАЛ