КЪВАТ1ИБЕ БАЧ1АНА «ГЪУНИБ» КАЗИЯТАЛЪУЛ ИРГАДУЛАБ НОМЕР
ХIурматиял казият цIалулел, нижер гьудулзаби!
Ахираб заманалда «Гъуниб» казияталъул гьудулзаби, гьеб цIалулел цIикIкIиналъул мурадалда редакциялъ хIаракат бахъулеб буго батIи-батIиял ресаздаса пайда босизе. ТIоцебесеб иргаялда казият цIалузухъе щвана лъабго «Гъуниб» журнал.
Казияталда рахъулел руго диналъул, гIолилазул, район тун къватIир ругел районцоязул ва жеги гIезегIан батIи-батIиял темабазда материалал. Нижер мухбирзаби дандчIвалел руго машгьурал гIадамазулгун, гIахьаллъи гьабулеб буго районалда тIоритIулел кIвар бугел тадбиразда.
ЦохIо гьелъул казияталда бицун течIого, районалъул хабар тIибитIизабулеб буго республикаялдаги гьеб бахун къватIибги. Гьеб муралда соцсетазда (телеграмм, контакты, однокласники, мой мир, ЯRUS) ва гьанжегIагар хIалтIизе биччараб редакциялъул хасаб сайталда ( erkenabgunib58.ru) лъолеб буго материал.
Гьеб кинабгоги интернеталда унеб буго «Эркенаб ГЪУНИБ» абураб цIаралда гъоркь.
Гьелъулги магIна ккола жакъа районалъул казияталда бахъараб хабар гIицIго районалда жаниб гуребги, республикаялдаги гьеб бахун къватIибги тIибитIизабулеб бугилан. Ай, гьанже рес буго сайталдаса дунялалъул бокьараб улкаялда вугев магIаруласги «Гъуниб» казият цIализе. Гьединлъидал гьелъул даражаги жеги борхизабиялда тIад хIалтIизе кколел руго щибаб къоялъ.
Гьале гьаб нухалъ редакциялъ хIукму гьабуна гьаб номералдаса байбихьун, щибаб казияталда кроссворд-рагIикъотI кьезе. Кроссвордалги лъезе руго гIурусги магIарулги мацIалда.
Гьединго редакциялде районалъул тарихалъул, росабазул, гIумруялъул, машгьурал гIадамазул, яги районалда хурхараб цоги темаялда кроссворд-рагIикъотI магIарул мацIалда гIуцIарав ва гьеб казияталда бахъун хадуб гьелъул авторасе гонорар хIисабалда кьезе бихьизабулеб буго 500 гъурущ гIарац.
Кроссворд гIуцIизе хIалбихьизе бегьула школалъул цIалдохъабаз, студентаз, цоги гIолилазгун чIахIияз, ай бокьарав чияс. Амма суалалги жавабалги рукIине ккола мухIканал ва аслияб щартI – нилъерго авар мацIалда.
Гьанибго абун телин, нилъер машгьураб Гъуниб районалъул тIолалго магIарулазда гьоркьоб мустахIикъаб бакI кквезе хIаракат бахъулеб бугеб ва бачIунеб 2023 соналда жинца 100 соналъулаб юбилей кIодо гьабизе хIадурлъи гьабулеб бугеб нилъерго «Гъуниб» казияталъе подписка гьабизеги кIочон тезе бегьиларилан.
Подпискаялъул цIехон рачIине бегьула почалъул хIалтIухъабазде аскIореги редакциялдеги.
Жакъа нижеца гьаниб лъолеб буго исламалъул темаялъул рагIикъотI. Бищун цере редакциялде жавабал рачIаразул бицине буго иргадулаб казияталда.
Мух1амад КЪЕБЕДОВ
Республика Дагестан, Гунибский район
Учредитель: сетевого издания МАУ "Редакция районной газеты «Гуниб»
Зарегистрирован Федеральной службой по надзору в сфере связи , информационных технологий и массовых коммуникаций .
Свидетельство о регистрации средства массовой информации ПИ № ТУ5-00239 от 19 февраля 2013 года
Главный редактор: Магомед Гитинамагомедович Кебедов
Телефон : +7 (988) 292-01-17
Адрес электронной почты : m.kebedov@mail.ru
Адрес редакции: 368340, Республика Дагестан , Гунибский район, с. Гуниб, площадь им. Шамиля
Все права защищены.
Любое использование материалов допускается только с письменного согласия редакции.
Редакция не несет ответственности за материалы, размещенные пользователями.
Порядок обработки персональных данных на сайте
Смещение времени на сайте относительно московского: 0 ч.
