ГЪУНИБ РАЙОНАЛДАСА ВАХЪАНА КIИГО ТIАРИКЪАТАЛЪУЛ УСТАР: ЧIОХЪА ИСМАГIИЛ ВА КIОГЬОРИСА ГIАБДУРАЗАКЪИЛ МУХIАМАД

Сугъралъа шайих ГIабдурахIманхIажиясул мадраса лъугIинчIев чи гIалимлъун рикIкIунев вукIун гьечIо.
Гьенир цIалана СалтIаса Узун хIажи, Ницовкраялдаса Сайпуллагь къади, Гьонодаса МухIаммад амин,  Шуланиса ИсмагIил , ЧIохъа Мавраев МухIаммадмирза, Жунгутаялдаса Абусупъян , ва гьел гурелги сверухъ ругел росабалъа гIалимзаби.

ЧIохъ росулъа МахIадил мадрасалда 10 соналъ цIалана вукIинесев кIиабилев имам ГьоцIалъа ХIамзат.

Гьениса Мавраевасул эмен МухIамирза рикIкIунаан Дагъистаналъул Муфтийлъун.
Гьесухъе. рачIунаан Дагъистаналъул росабалъа гIалимзаби щаргIиял суалазе  жаваб цIехон. Гьес нилъее ирсалъе тана ЧIохъиясул фатвабм абураб фикъгьиялъул суалазе жавабал жанире рачараб мажмугI ва цогидалги гIелмиял тIахьал.

ЧIохъа гIалимчи ГIабдуллагьхIажияс 20 гIелмияб тIехьалдасан жавабги босун , анцIго соналъ данде гьабун халкъалъухъе щвезабуна гIажамалда хъвараб "Уммул баян" абун цIар тараб кIудияб тIехь. Руго гьес хъварал цогидал тIахьалги

ЧIохъа МухIаммадгIалил вас Мавраев. МухIаммадмирзаца гIуцIараб типографиялъ 500 гIанасеб батIи- батIияб тIехь къватIибе биччана Дагъистаналъул батIи- батIиял мацIазда.

Кудалиса КIудияв ХIасан вукIана бергьарав гIалимчи. Гьесухъ цIалана ГьаракIуниса СагIид, Сайфуллагь къади. ХIасаница бахъана гIараб морфологиялъул тIехь, хъвана назмаби.

СалтIаса УзунхIажиясул букIана кIудияб мадраса. Гьев вищун вукIана Северияб Кавказалъул Эмирлъун.

МохIоса Дамадан вукIана философ, астраном,тохтур,бергьарав гIалимчи, таржамачи. Лъалаан микьго батIияб мац1. Гьес лъазабун букIана бакъ- моцIалъул гIелму.

Гьонодаса МухIаммад амин вукIана 10 соналъ Карачае- Черкесиязул имамлъун.  Шамил имамасул тIадкъай тIубазабун гьес гьениб гIуцIана пачалихъ'.  ТIибитIиззабуна  ислам.
Киналго гIалимзаби рехсон хIал кIоларо
Къудукьа Мусаласул мугIалим Ругъжаса Абакардибир, Шангъодаса РапигIхIажи, Шитлиса Шамхал, Шуланиса ИсмагIил, гьенисаго КъурбангIалил МухIаммад, Къородаса ГIабдугъапур, Г1аллилазул Мух1амад, гьенисаго Абукъасил МухIамад.

Районалдаса рахъана кIиго тIарикъаталъул устар- ЧIохъа ИсмагIил ва КIогьориса ГIабдуразакъил МухIаммад.

Жакъасеб къоялъул хIисаб гьабуни, районалда щибаб росулъ руго мажгитал,  анцI -анцI авал мажгитал.
Щибаб мажгиталда цере руго мактабал , буго    Кудалиб росулъ мадраса.

Щибаб росулъ руго жидерго имамзаби.
Руго мадрасабазда, институталда цIалулел гIолилал.

Алллагьас нилъ киналго битIараб нухалда тIоритIи буго нилъер мурад.
 

Гьонодаса КАРИМУЛЛА-ХIАЖИЛ Т1ЕХЬАЛДАСА